KOMUNIDAD


------------------------------------------

Bhinneka tunggal-ika

ni Juliet Villamor

Ang pag-inog ng mundo ay paiba-iba, kadalasa’y hindi nagtatagpo ang mga bagay-bagay at minsa’y hindi nagkakasalubong sa gitna. Minsan rin, may mga pagkakataong nasa ibaba at mayroon ding nasa itaas katulad ng sa gulong. Sa bawat tama ay may katumbas na mali, ang lahat ng oo ay may hindi, ang lahat ng mga bagay ay may pagkakaiba’t kasalungat na pangyayari. 

Magkaiba man ang ating mundong ginagalawan, may mga pagkakataon pa ring tayo ay nagkakapit-bisig at nagkakaisa tungo sa isang adhikain. Mga layunin natin ay nagkakatulad tungo sa isang mithiin at iyon ang kaunlaran hindi lamang sa aspetong pang-ekonomiya ngunit sa lahat ng aspeto ng buhay tulad ng sa larangan ng edukasyon, pagkakapantay-pantay ng kababaihan at kalalakihan at marami pang iba. 

Bilang paunang hakbang sa pagbabago, sinimulan ng Association of South East Nations (ASEAN) isang samahan ng mga bansa sa Timog-Silangang Asya ang isang pagbabago sa kabuuan ng isang lipunan o bansa. 

Kaugnay sa mga layunin ng organisasyon, nakikialyansa ito sa mga mabababang sektor ng lipunan dahil sa malaking ambag nito sa kabuuan. Bilang isang kabataan at isang mag-aaral na nangangarap rin ng kaunlaran, sisimulan ko ang pagbabago sa aking sariling pananaw at himukin ang iba lalong-lalo na ang aking kapwa kabataan sa pagkakaisa sa likod ng aming pagkakaiba.

Hindi batayan ang pagkakaiba sa kaunlaran ng bansa. Oo, magkaiba man tayo ng pananaw, tradisyon, kulay, kasarian, kultura at sa pakikisalamuha, hindi ito nagsisilbing hadlang sa pagbabagong kinakaharap natin. Nasa ating mga kamay nakasalalay ang katiwasayan at kaginhawaan ng ating kinabukasan at sa susunod pang mga henerasyon.

Yakapin natin ang bawat pagkakaiba, pisikal o panloob man na katayuan, may kapansanan ka man o wala, mayaman ka man o hindi, babae ka man o lalaki, magkaiba man ang lahing ating pinagmulan, iisa pa rin ang ating pangarap at mithiin, ang maranasan ang tunay na paraiso sa mundong ito. Tayo’y magkakapit-bisig, magkakaisa sa likod ng ating pagkakaiba. Ang lahat ng ito ay makakamit sa pamamagitan sa larangan ng edukasyon, edukasyong panlahat. 

“Education is for all, in the sense that we will not give emphasis to one sector but in the sense that no one is being left behind,” sambit ni Dr. Bianito A. Dagatan, Cebu City School Division Superintendent sa kanyang talumpati sa ginanap na pakikipanayam ng mga batang manunulat sa kasali sa Regional Schools Press Conference. 

Ipinabatid nito na dapat sabay-sabay tayong aahon sa ating nakasanayang mundo. Hayaan natin ang ating mga  sarili ang pagbabago nang walang iniiwanang bakas ng pagkabigo’t kahirapan. Isa-isang isigaw sa mundo na tayo, tayong Pilipino ay kaya rin nating makikipagkompetinsya sa iba’t ibang larangan gamit lamang ang mga talentong namumukod-tangi sa lahat. Kaya nating ipagsigawan sa mundo na kahit hiwa-hiwalay ang ating mga pulo, iba-iba man at minsan magkasalungat ang ating mga pananaw at kultura, kaya nating basagin ang tanikalang nakakadena sa ating sarili’t bansa. 

Subukin man ng panahon at pagkakataon, madapa man ay muli namang babangon at handang-handa ulit harapin ang mga unos at bagyo-bagyong hamon. Ang layunin ng ASEAN at ng isa sa atin ay hindi nagkakalayo, walang nais maiwan sa kawalan kung kaya’y humarap at niyakap natin ang pagbabago ng buong puso at taas-noong ipinagmamalaki na tayo ay Pilipino. 

“Bhinneka tunggal-ika,” isang dayuhang lenggwahe mula sa Indonesia, isang bansa kabilang sa ASEAN, nangangahulugang pagkakaisa ng lahat sa likod ng napakaraming pagkakaiba na siyang niyakap ng bawat bansa.

Mga Komento

Mag-post ng isang Komento

Mga sikat na post sa blog na ito

OPINYON

Imahe
-------------------------------------- - EDITORYAL - CAMPUS JOURNALISM:  Tulay sa Bagong Buhay Sa kasalukuyang ginaganap ang Regional School Press Conference (RSPC), binibigyang diin ang kahalagahan ng mga campus journalists sa pagtaguyod ng inklusibong edukasyon sa pamamagitan ng integrasyon sa ASEAN. Sa ibang salita, ang campus journalism ang magsisilbing tulay patungo sa mas maganda at bagong buhay nating mga Pilipino.  Isa sa mga pangunahing priyoridad ng integrasyon sa ASEAN ang pagbibigay ng inklusibong edukasyon. Ang mga campus journalists ay may malaking papel sa pagsulong nitong komprehensibong edukasyon para sa lahat. Ang campus journalism ay parang isang laboratoryo kung saan napapabuti ang functional literacy o ang kakayahan ng tao sa pagbasa, pagsulat, pagiging malikhain at pag-isip ng kritikal. Ito ang nagmumulat sa mga mag-aaral na maging isang instrumento sa paglago ng ating bansa. Ngunit ano ba talaga ang papel ng mga campus journalists sa
Magbasa nang higit pa

ISPORTS

Imahe
------------------------------------------------------ Regu B namayagpag kontra Regu A ni Jay Capuras Lumalagablab na opensa at depensa ang naging armas ng Regu B upang makamit ang panalo sa matindi nitong karanasan kontra Regu A, 2-1 sa kanilang Sepak Takraw exhibition match sa ginanap na Regional Schools Press Conference kasabay ang mainit na panahon sa Don Carlos A. Memorial National High School, ika-10 ng Disyembre. Pinangunahan ni kapitan, Roy Subing-subing, ang Regu B na humakot ng 23 puntos at dalawang blocks para maungusan ng Regu B ang Regu A sa matindi nilang salpukan at maibulsa ang panalo. “Tatag lang ng loob at pananalig sa sarili at koponan magiging maganda ang kalabasan ng laro,” ayon kay Subing-subing, na hinirang best player. Naging agresibo sa unang set ang Regu B matapos ipinamalas ang mga dumadagundong na sunback spayks at nag-aapoy na mga headers sa pamumuno ni Subing-subing. Humantong naman sa unforced error ang napupol na opensa
Magbasa nang higit pa

BALITA

Imahe
SDS DAGATAN,   IPINALIWANAG ANG KAHALAGAHAN NG DYORNALISMO SA INCLUSIVE EDUCATION ni JR. Arnold Ygay  “It is our hope that you can promote inclusive education through campus journalism.” Ito ang pahayag ni Cebu City Schools Division Superintendent Dr. Bianito Dagatan sa ‘mini press conference’ ng Collaborative Desktop Publishing Region VII na may temang “Embracing ASEAN Integration: Campus Journalists Role in Advancing Inclusive Education”. “The theme mentioned about inclusive education and campus journalism, prove to the world that the outputs of the campus journalists will reflect the kind of education given to you,” sabi ni Dagatan. Idiin din ni Dagatan ang kahalagahan ng dyornalismo. Ayon pa sa kanya ang dyornalismo ay isang paraan upang mahasa ang potensyal ng mga batang manunulat.  "No man is an island. Meaning we are a border-less community. We embrace ASEAN so that nobody will be left behind. In inclusive education it means education for all, meani
Magbasa nang higit pa